我愛瘋sex

我愛瘋sex

Phone雨同路見真心 《我愛瘋Sex》

因為女主角金亞中撳錯電話，一輪奪魄勾魂的「呀~呀~呀~呀~」，令失戀中的池城有番「朝」氣。前者恨嫁恨到出面，但男友愛偷食唔願入墳墓，為男友落疊，好索但有陣「膠」味的女主角不斷諗計，玩PhoneSex成本低效用大，男友至贊成，可惜，一粒數目字令失意女搭上失戀男，兩位寂寞之友Phone「交」停不了，一場雨中互攬訴心事令愛火啪啪聲燃燒，最後「交」出浪漫到暈真感情，SoCool。撰文︰廖思慧

        因為下周四上映的《我愛瘋Sex》內有不少裸露及性愛鏡頭，三級走唔甩，但別被三角形警告Icon嚇窒，實情是鹹得有樂趣，情侶睇，麻甩仔嘛，怕你唔願離場咋。

        男角舊愛更Good

        大隻男主角池城是我們鍾嘉欣BB的男神，「唔係呀嘛？」無錯，閣下的第一個感覺跟本人一樣，但會動的池城是有魔法的，明明是條鹹濕仔，但你又會容忍佢，明明是他活該的，但你又戥他難過，好Magic。至於拍過《醜女大翻身》的女角金亞中，腿好長，眼耳口鼻靚到不得了，但感覺好易燃。相反另一女角申素率，即池城的前度，樣甜腰幼又肯博，是巴打們必愛的BB類。

Posted in: 我愛瘋sex