蜜運中的龍嫂

蜜運中的龍嫂

容祖兒被稱蜜運中的龍嫂假裝聽不懂變聾嫂

天后容祖兒、薛凱琪及謝安琪等昨日出席「第三十五屆十大中文金曲」頒獎禮記招，祖兒更被介紹為「『龍嫂』蜜運中嘅容祖兒」，雖然祖兒聽後受落笑笑口，但台下她就表示「已經聾咗」，「龍嫂」變「聾嫂」！

「第三十五屆十大中文金曲」頒獎禮將於明年1月20日假九展舉行，昨日半百歌手出席記招，包括天后祖兒、謝安琪及方大同等，但陳奕迅及古巨基依舊未有出席。司儀李志剛以「『龍嫂』蜜運中嘅容祖兒」來介紹祖兒出場，祖兒聽畢即笑笑口，但就扮唔明狂問身邊歌手「講緊邊個」！

 

被司儀擺上枱以「龍嫂」稱呼，祖兒笑說：「已經聾咗。（其他頒獎禮可能叫你兩個互相頒獎？）唔會咁毒啩？」問她會否先向有關方面要求避免類似事發生？祖兒說：「唔會，有能力令大家開心，有話題，唔傷肉都冇所謂，但盡量唔好！驚驚，唔好搞呢啲嘢！」她重申沒有避與男友劉浩龍合照，至於好友何韻詩與緋聞女友鄧九雲於台灣被拍到親密照，祖兒亦不願回應。

統一頒獎禮更團結

提到有機會舉行四台聯頒頒獎禮，祖兒直言有「少少暈」，她說：「成件事都未落實，但組合埋就最好，更有公信力。如果只得一個頒獎禮，獎項會較有分量，樂壇會更團結。」有傳無綫今年將刪除「亞太區最受歡迎男、女歌星」獎項，祖兒謂可能接近年底，有較多不同的揣測：「成績如何就睇你點睇，我出國語碟幾好，有好評，做到心目中嘅成績，對自己嘅功課尚算滿意，至於點頒就冇意見。」而同場的薛凱琪及鄧紫棋亦贊成統一四台頒獎禮，因四台標準不一，會更全面。

Posted in: 蜜運中的龍嫂