林峯退出娛圈

林峯退出娛圈

林峯決定退出娛圈

林峯有個有米老竇林華國，經營地產生意，有「廈門李嘉誠」之稱。林峯可以專心進軍娛圈，唔使擔心生計……but，依家出咗啲「狀況」，因為……峯峯要退出娛樂圈，唔撈喇﹗

今日有報道話，林峯有計劃全面退出娛樂圈，包括唔傾約，唔接job，亦唔剃頭，所以就連二月開拍、需要剃頭演出嘅新劇《食為奴》都唔拍。令林峯有咁大決心嘅原因，係佢打算接手打理爸爸嘅地產生意。佢話：「喺演藝事業同家人之間二擇其一，最後都係會揀家人，唔係一時衝動。我爸爸都成六十幾歲，再唔返去幫手，真係好不孝。」

林峯喺訪問中仲話，對佢如日方中嘅演藝事業並無不捨﹕「點解唔捨得？我追求嘅根本唔係呢啲，亦唔係一時衝動，我諗咗好耐；我人生目標係想盡番家庭責任。咁樣再過幾年又點？我入行前後心態都係冇變過，家庭係最重要。」咁會幾時退出？林峯話﹕「唔會好耐，但時間真係唔知道。當去到冇動力再去追求任何嘢，我會選擇家庭。」

雖然外間一直傳峯峯係因為「視帝」大熱倒灶，扭計唔簽無綫，所以先至傳出無綫會頒返個「最受歡迎男歌星」俾佢。但之後再問林峯究竟續唔續約，佢就以明年一月開個唱為由，話依家唔諗住，只係專心個騷。依家林峯話「當去到冇動力再去追求任何嘢」，會否係向無綫明示緊啲嘢？

Posted in: 林峯退出娛圈